ANBOTO enpresak irtenbide teknologikoak eskaintzen ditu. Hizkuntza naturalaren bidez, harreman interaktiboa, erraza eta adimendua ahalbidetzen du kontsumitzaileen eta ordenagailuen artean (webeko eta intraneteko produktuak eta zerbitzuak barne).
ANBOTOk elkarrizketa librearen bitartez (ez gidatua) hauexek ahalbidetzen ditu: informazioa lortu eta berreskuratu, produktuak edota zerbitzuak era multimodalean erosi, pertsonaren eta ordenagailuaren arteko harremana naturalagoa izan, eta, beharrezkoa izanez gero, elbarrituei sarbidea erraztu. ANBOTOren irtenbideek, zeregin errepikakorretan, mekanikoetan, etab., biziki murrizten dituzte gizaki-eragile harreman zuzenak, eta ia erabat ordezkatzen dituzte.
ANBOTOren helburu nagusia da enpresen produktibitatea igotzea bezeroekiko harremanen kudeaketa arloan (customer experience management, user experience). Bezeroarekiko harremanen kudeaketaren barne biltzen dira bezeroen eta enpresen, langileen, kanalen, zerbitzuen eta produktuen arteko harremanengatik sortzen diren pertzepzio eta sentimendu guztiak.
ANBOTOk interakzioak diseinatzen ditu, bezeroen aurreikuspenak hobetzeko, gogobetetzea areagotzeko eta haien leialtasunari eusteko.
Ahozko eta idatzizko diskurtsoaren elkarrizketa deituriko modalitatean lagun bi edo gehiago elkarrekin komunikatzen dira, ideiak elkarri ematen dizkiote edozein euskarriren bidez. ANBOTOk giza-komunikazioa zabaltzen du, mundu digitalean hizkuntza naturala erabiliz.
ANBOTOren misioa da pertsona guztiei informaziorako, zerbitzuetarako eta komunikaziorako sarbidea bermatzea; haien hizkuntza, kultura, minusbaliotasuna edo teknokultura alde batera utzita. Horretarako, giza-komunikazioa modu atseginean simulatzen duen teknologia erabiltzen du.